Усе дзеці, якія пацярпелі пры атацы на аўтобус у Бранскай вобласці, знаходзяцца ў РНПЦ дзіцячай хірургіі. Іх стан здавальняючы, паведамляе Міністэрства аховы здароўя Беларусі.
Стан пацярпелага дарослага — стабільны, без зменаў.
«Узгоднены план далейшага лячэння. Праводзіцца планавая клінічная работа», — паведамляе Мінздароўя.
Нагадаем, аўтобус з беларускімі дзецьмі, якія накіроўваліся на адпачынак у расійскі Геленджык, 17 чэрвеня быў атакаваны, меркавана, беспілотнікам у Бранскай вобласці Расіі. У выніку загінула жанчына, якая суправаджала групу, восем чалавек, у тым ліку шасцёра дзяцей, атрымалі раненні. Масква заяўляе, што аўтобус быў атакаваны ўкраінскім дронам, Кіеў адхіляе гэтыя абвінавачанні і называе тое, што адбылося, інфармацыйнай правакацыяй.