Мінтрансы Беларусі і Расіі створаць рабочую групу для разгляду прававых і тэхнічных аспектаў рэалізацыі праекта высакахуткасных чыгуначных зносін.
Пра гэта паведамілі ў прэс-службе беларускага ведамства па выніках сустрэчы міністраў Аляксея Ляхновіча і Андрэя Нікіціна.
Таксама бакі абмяркоўвалі пытанне стварэння альтэрнатыўнай сістэмы тахаграфіі, у тым ліку ў рамках ЕАЭС.
Нагадаем, у Расіі будаўніцтва высакахуткасных магістраляў было анансавана некалькі гадоў таму. Адна з іх павінна была злучыць Маскву і Мінск. У Беларусі прапаноўвалі працягнуць яе да Брэста. Пакуль жа ў РФ рэалізуецца праект па будаўніцтве магістралі паміж Масквой і Санкт-Пецярбургам, якая павінна пачаць працаваць у 2028-2029 гадах. Пры гэтым магістраль да Мінска з’яўляецца толькі чацвёртай у чарзе будаўніцтва.