Мінтранс зноў спрабаваў вырашыць праблемы лагістыкі беларускіх тавараў

Міністэрства транспарту і камунікацый Беларусі правяло чарговую рабочую сустрэчу, прысвечаную экспартнай лагістыцы. На яе былі запрошаныя прадстаўнікі экспарцёраў, экспедытараў, а таксама дзяржорганаў. Сустрэчу правёў кіраўнік Мінтранса Аляксей Ляхновіч.

Як паведамілі ў прэс-службе Мінтранса, асноўнымі тэмамі сталі:

• ліквідацыя вузкіх месцаў пры ажыццяўленні грузаперавозак чыгуначным транспартам, уключаючы забеспячэнне айчынных экспарцёраў паслугамі нацыянальнага сэрвісу па адпраўцы грузаў у складзе зборных кантэйнерных цягнікоў;
• аптымізацыя тарыфных умоў пры чыгуначных перавозках экспартных грузаў;
• арганізацыя паставак беларускай прадукцыі праз порт «Бронка» (Санкт-Пецярбург) і многія іншыя.

Таксама было разгледжана пытанне працы расійскай сістэмы пацвярджэння чакання пастаўкі тавараў, у прыватнасці, магчымасці рэалізацыі пераходнага перыяду для беларускіх паставак, а таксама праблемныя пытанні, якія ўзнікаюць у грузаадпраўшчыкаў пры перасячэнні беларуска-расійскай мяжы.