Фото: Минобороны
Міністэрства абароны праводзіць сумесныя вучэнні са Следчым камітэтам і Дзяржаўным камітэтам судовых экспертыз.
Вучэнні праходзяць у вучэбным цэнтры Ваеннай акадэміі Беларусі «Белая Лужа» і накіраваныя на адпрацоўку сумесных дзеянняў ва ўмовах узброенага канфлікту.
«Мэта — удасканаленне практычных навыкаў і міжведамаснай зладжанасці афіцэраў, а таксама фарміраванне ў іх кампетэнцый, неабходных для выканання задач», — паведамляе Мінабароны.
Удзельнікі вучэнняў адпрацоўваюць пытанні разгортвання блокпаста, арганізацыі працы следчых груп і ўключэння ў іх склад вайскоўцаў для аховы і прыкрыцця, фота- і відэафіксацыі пры аглядзе месца здарэння, аказання першай медыцынскай дапамогі параненым і іх эвакуацыі, а таксама правядзення следчых дзеянняў з затрыманымі.