Фото: bvf.by
Адміністрацыйны савет Еўрапейскай канфедэрацыі валейбола (CEV) пацвердзіў, што юніёрскія спартсмены з беларускімі і расійскімі пашпартамі змогуць удзельнічаць у міжнародных маладзёжных спаборніцтвах пад эгідай арганізацыі.
Рашэнне звязана з пастановай Міжнароднай федэрацыі валейбола (FIVB), прынятай у снежні 2025 года, паводле якой спартсмены юніёрскага ўзросту не павінны абмяжоўвацца ва ўдзеле ў міжнародных маладзёжных спаборніцтвах. Яно ўступіла ў сілу з 1 студзеня 2026 года.
“Адміністрацыйны савет CEV пацвердзіў, што гэтае рашэнне, якое ўступіла ў сілу з 1 студзеня 2026 года, распаўсюджваецца на маладзёжныя турніры Еўрапейскай канфедэрацыі валейбола. Такім чынам, маладзёжныя зборныя Рэспублікі Беларусь атрымліваюць магчымасць зноў выступаць на міжнароднай арэне”, — адзначылі ў Беларускай федэрацыі валейбола.
Практычныя аспекты ўдзелу беларускіх каманд будуць дадаткова распрацаваны і прадстаўлены на разгляд Адміністрацыйнага савета CEV.