Лукашэнка прыехаў на «Гарызонт» запускаць вытворчасць тэлевізараў з ШІ

Рэдакцыя Reform.news · 31 снежня 2025, 10:40

https://reform.news/be/lukashjenka-pryeha-na-garyzont-zapuskac-vytvorchasc-tjelevizara-z-shi/

Аляксандр Лукашэнка наведаў холдынг «Гарызонт» 31 снежня і націснуў кнопку, якая сімвалізуе запуск масавай робатызаванай вытворчасці тэлевізараў са штучным інтэлектам.

Прэс-служба Лукашэнкі падкрэслівае, што аналагаў такой вытворчасці няма ў Еўропе і краінах СНД.

Новы завод працуе па прынцыпе lights out фактычна без удзелу чалавека. Ключавыя аперацыі выконваюцца прамысловымі робатамі і аўтаматызаванымі сістэмамі, інтэграванымі ў скразную сістэму лічбавага кіравання вытворчым цыклам. На ўсіх стадыях вытворчасці выкарыстоўваюцца тэхналогіі машыннага зроку, алгарытмы глыбокага навучання і тэхналогіі прадзіктыўнай аналітыкі.

Заяўляецца, што «Гарызонт» будзе выпускаць «не проста тэлевізары, а аўтаматызаваныя прылады новага пакалення», якія сумяшчаюць магчымасці мультымедыйнага цэнтра, інтэлектуальнага памочніка і цэнтра кіравання «разумным домам».