Фото: Пул первого
Аляксандр Лукашэнка падчас праверкі баявой гатоўнасці, якая праводзілася ў Беларусі, ставіў ваенных ва ўмовы, набліжаныя да вайны. Пра гэта ён заявіў сёння падчас падвядзення вынікаў праверкі разам з афіцэрскім складам. Паводле яго слоў, ён хоча, каб падначаленыя ўмелі ваяваць.
«Я хачу, каб мае падначаленыя былі гатовыя ваяваць. І калі мы будзем гатовыя ваяваць, нас будуць баяцца, і сюды ніхто не палезе. Вось мая мэта», — цытуе Лукашэнку яго прэс-служба.
Нагадаем, праверка афіцыйна праводзілася ў абыход Мінабароны. Камандзіры падраздзяленняў атрымлівалі заданні на праверку за подпісам Лукашэнкі. Іх уручалі прадстаўнікі Савета бяспекі.
“Мы ставілі ўдзельнікаў ва ўмовы, максімальна набліжаныя да рэальных выклікаў. Я б яшчэ дакладней сказаў, да вайны. Без зніжак на надвор’е, час сутак і іншыя фактары, якія ўскладняюць выкананне баявых задач”, — дадаў Лукашэнка.
«Зараднасць Узброеных Сіл на адбіццё ворага, гатоўнасць імгненна рэагаваць на любы агрэсіўны рух у бок нашых рубяжоў — гэта безальтэрнатыўная гарантыя міру і бяспекі дзяржавы», — падкрэсліў ён.
На мерапрыемства ў Палацы Незалежнасці сёння запрошаны каля 300 чалавек, у тым ліку камандзіры злучэнняў, якія ўдзельнічалі ў праверцы.