Встреча Александра Лукашенко и Николаса Мадуро 5 октября 2017 г. Мадуро — один из потенциальных подсудимых МУС в Гааге. Фото: president.gov.by
Аляксандр Лукашэнка «катэгарычна асуджае акт амерыканскай агрэсіі» супраць Венесуэлы. Пра гэта РІА «Навіны» заявіла яго прэс-сакратар Наталля Эйсмант.
«Прэзідэнт Беларусі катэгарычна асуджае акт амерыканскай агрэсіі супраць Венесуэлы», — сказала яна.
«Пра наступствы Аляксандр Лукашэнка гаварыў зусім нядаўна ў інтэрв’ю якраз амерыканскім журналістам. У прыватнасці, пра тое, што “гэта будзе другі В’етнам. І амерыканцам ён не патрэбны”», — заявіла Эйсмант.
Нагадаем, сёння ЗША правялі шырокамаштабную аперацыю супраць Венесуэлы і яе лідара, прэзідэнта Нікаласа Мадуры. Прэзідэнт ЗША Дональд Трамп заявіў, што Мадура разам з жонкай «быў захоплены і вывезены з краіны».