Ліцэнзаванне імпарту акумулятараў уводзіцца ў Беларусі

Урад Беларусі ўвёў часовае ліцэнзаванне імпарту акумулятараў. Адпаведную пастанову падпісаў прэм’ер-міністр Аляксандр Турчын, паведамляе прэс-служба ўрада.

Ліцэнзаванне ўводзіцца на 6 месяцаў. Яно прадугледжана ў дачыненні да наступных тыпаў тавараў:

• 8507 10 200 2 – акумулятары электрычныя, свінцовыя, якія выкарыстоўваюцца для запуску поршневых рухавікоў, працуюць з вадкім электралітам масай больш за 5 кг, для прамысловай зборкі,
• 8507 10 200 3 – акумулятары электрычныя, свінцовыя, якія працуюць з вадкім электралітам, іншыя, масай больш за 5 кг.

Увядзенне ліцэнзавання на ўвоз АКБ не будзе распаўсюджвацца на тавары, якія паходзяць з дзяржаў – членаў ЕАЭС пры ўмове пацвярджэння іх паходжання сертыфікатам аб паходжанні тавару формы СТ-1 або сертыфікатам аб паходжанні тавару іншай формы, альбо ўключаныя ў Еўразійскі рэестр прамысловых тавараў дзяржаў – членаў ЕАЭС

Мера прынята «ў мэтах падтрымкі айчынных вытворцаў». Урад лічыць, што гэта не прывядзе да павышэння цэн для канчатковага спажыўца.