Грузавік з 20 тонамі металалому затрымалі па дарозе ў Расію

Рэдакцыя Reform.news · 17 мая 2026, 15:00

https://reform.news/be/gruzavik-z-20-tonami-metalalomu-zatrymali-pa-daroze-rasiju/

На трасе М1 у Талачынскім раёне затрымалі грузавік з 20 тонамі металалому, які везлі ў Расію без дакументаў, паведамляе прэс-служба МУС. Renault пад кіраваннем 55-гадовага жыхара Светлагорска спынілі супрацоўнікі БЭП і ДАІ Віцебска разам з АМАПам.

Пры аглядзе аўтамабіля выяўлена каля 20 тон лому чорных і каляровых металаў на суму больш за 35 тысяч рублёў. Груз перавозіўся без суправаджальных дакументаў. Кіроўца прызнаўся, што планаваў прадаць метал у Расіі.

У дачыненні да яго складзены адміністрацыйны пратакол за незаконны вываз лому і адходаў металаў. Яму пагражаюць буйны штраф і канфіскацыя тавару.