Фото: gomelisp.gov.by
Афіцыйны тэлеграм-канал Гомельскага раённага выканаўчага камітэта сёння ў 8:58 апублікаваў допіс з абразамі ў адрас прэзідэнта Украіны Уладзіміра Зяленскага. Паведамленне пратрымалася на канале літаральна некалькі хвілін і было выдалена.
“Менавіта той выпадак, калі з-за наркатычнага дурману ўзнікаюць трызнёвыя галюцынацыі…” — напісалі аўтары тэлеграм-канала Гомельскага райвыканкама, дапоўнілі паведамленне згенераванай ШІ-карцінкай, а затым па невядомай прычыне выдалілі допіс.
Такім чынам яны пракаментавалі навіну пра тое, што з 22 чэрвеня рэтранслятары на тэрыторыі Беларусі, якія расійскія войскі выкарыстоўвалі для карэкціроўкі ўдараў па Украіне, больш не працуюць.
Афіцыйна прадстаўнікі рэжыму ў Мінску пакуль не каментавалі гэтую навіну.
Нагадаем, 19 чэрвеня прэзідэнт Украіны даў Аляксандру Лукашэнку тыдзень для таго, каб адключыць рэтранслятары для расійскіх дронаў, папярэдзіўшы, што ў адваротным выпадку Украіна знішчыць іх сама.