Саркофаг над ЧАЭС. Фото: ГСЧС Украины.
Краіны G7 маюць намер выдзеліць 500 млн долараў на рамонт укрыцця Чарнобыльскай АЭС, якое было пашкоджана ўдарам расійскага беспілотніка. ЗША ў рамках гэтай ініцыятывы прадаставяць 100 млн долараў. Пра гэта паведамілі ў Дзярждэпартаменце.
“Першапачаткова разлічаны на 100-гадовы тэрмін службы, новы бяспечны саркафаг быў пашкоджаны ў мінулым годзе ў выніку ўдару беспілотніка падчас бессэнсоўнай працяглай вайны паміж Расіяй і Украінай. Без рамонту ён больш не можа забяспечваць належную абарону, ствараючы пагрозу небяспечнай уцечкі высокарадыеактыўных матэрыялаў у Еўропе”, – гаворыцца ў заяве амерыканскага знешнепалітычнага ведамства.
У Дзярждэпартаменце таксама заклікалі партнёраў па G7 рушыць услед прыкладу ЗША і ўзяць на сябе фінансавыя абавязацельствы рамонтных работ.