«Флагшток»: У Гомелі зафіксавалі выбух і пралёт дрона

Рэдакцыя Reform.news · 4 красавіка 2026, 12:39

https://reform.news/be/flagshtok-u-gomeli-zafiksavali-vybuh-i-praljot-drona/

Жыхары Гомеля сталі сведкамі двух начных здарэнняў запар, піша «Флагшток».

Паводле інфармацыі рэсурсу, сёння каля 4:30 на ўсход ад горада быў чутны моцны выбух — магутны, але які даносіўся здалёк. Напярэдадні, 3 красавіка, каля 5:25 над усходняй ускраінай Гомеля зафіксавалі пралёт беспілотніка, падобнага да іранска-расійскага «Шахед» («Герань»).

У абодвух выпадках украінскія маніторынгавыя каналы не фіксавалі залётаў дронаў праз украінска-беларускую мяжу, адзначаюць аўтары.