Дзве беларускі ўчынілі дэбош на рэйсе «Варшава — Ханья»: палілі на борце, скандалілі з экіпажам і білі нагамі паліцэйскага

Рэдакцыя Reform.news · 24 чэрвеня 2026, 17:47

https://reform.news/be/dzve-belaruski-chynili-djebosh-na-rjejse-varshava-hanja-palili-na-borce-skandalili-z-jekipazham-i-bili-nagami-palicjejskaga/

Дзве жанчыны з Беларусі ва ўзросце 45 і 47 гадоў палілі ў самалёце, крычалі і адмаўляліся супрацоўнічаць з экіпажам. Інцыдэнт адбыўся ў мінулы панядзелак на борце самалёта, які ляцеў з Варшавы на Крыт, паведамляе мясцовае выданне Cretalive.gr са спасылкай на паліцыю аэрапорта Ханьі.

Калі самалёт прызямліўся ў аэрапорце Ханьі, абедзвюх жанчын затрымалі. Аднак адна з іх пачала біць нагамі паліцэйскага, які надзеў на яе кайданкі, у выніку чаго супрацоўнік паліцыі атрымаў пералом.

Паліцэйскаму спатрэбілася шпіталізацыя, і яго даставілі ў бальніцу, дзе ён праходзіў лячэнне.

Больш ніякіх падрабязнасцяў пра лёс беларусак грэцкае выданне не паведамляе.