ДАІ ўзмоцніць кантроль на дарогах у выхадныя

Рэдакцыя Reform.news · 9 мая 2026, 10:53

https://reform.news/be/dai-zmocnic-kantrol-na-darogah-u-vyhadnyja/

У выхадныя дні, прымеркаваныя да святкавання Дня Перамогі, Дзяржаўтаінспекцыя Беларусі ўзмоцніць працу на дарогах і ў месцах правядзення святочных мерапрыемстваў.

Асноўная ўвага будзе накіраваная на выяўленне і адхіленне ад кіравання нецвярозых кіроўцаў і «бяспраўнікаў». Пад кантроль таксама трапяць кіроўцы мататэхнікі і месцы масавага адпачынку грамадзян. Да прафілактычных мерапрыемстваў у рэгіёнах далучацца экіпажы спецпадраздзялення ДПС «Страла».

У сувязі з абмежаваннем руху ў месцах правядзення святочных мерапрыемстваў кіроўцам рэкамендуюць загадзя планаваць маршруты, сачыць за часовымі дарожнымі знакамі і выконваць указанні рэгуліроўшчыка.