Светлана Тихановская. Фото: t.me/tsikhanouskaya
Святлана Ціханоўская пракаментавала рашэнне Аляксандра Лукашэнкі “памілаваць” 15 чалавек, асуджаных па «экстрэмісцкіх» артыкулах.
«Радасць за кожнага, хто зусім хутка будзе дома побач з сям’ёй. Але разам з радасцю адчуваю вялізны боль за ўсіх, хто застаецца за кратамі», — напісала яна.
Нагадаем, Лукашэнка сёння падпісаў указ аб памілаванні 18 чалавек, з якіх 15 асуджаны па «экстрэмісцкіх» артыкулах. Большасць памілаваных — жанчыны, у шасці з іх ёсць дзеці з інваліднасцю. Сярод памілаваных таксама дзве шлюбныя пары, цяжарная жанчына і асуджаная, якая здзейсніла злачынства ў 16-гадовым узросце.