Светлана Тихановская. Скриншот видео
9 жніўня 2020 года ў Беларусі прайшлі прэзідэнцкія выбары, на якіх, паводле афіцыйных даных, Аляксандр Лукашэнка набраў 80,1% галасоў. Увечары 9 жніўня тысячы людзей выйшлі на пратэсты.
Святлана Ціханоўская звярнулася да беларусаў у шостую гадавіну пратэстаў.
«Нам па-ранейшаму балюча. І шэсць гадоў — дастаткова доўга, каб стаміцца і засумнявацца, ці мае ўсё гэта сэнс. Але з кожным годам становіцца ўсё больш відавочна: 2020-ты незваротна змяніў Беларусь.
Для мяне 9 жніўня — гэта абяцанне не забыць. Не забыць, што мы — адна нацыя. Не забыць таго самага моманту, калі ў натоўпе з дзясяткаў тысяч чалавек з’явілася адчуванне, што мы здольныя на ўсё. Хтосьці ўсміхаецца, хтосьці падае ваду, людзі клапоцяцца адно пра аднаго. І нас шмат. І мы ўсе хочам аднаго — быць вольнымі ды людзьмі звацца», — заявіла Ціханоўская.