Фото: Nate Johnston /unsplash.com
Белстат апублікаваў вынікі выбарачнага абследавання хатніх гаспадарак з мэтай вывучэння праблем занятасці насельніцтва ў чацвёртым квартале 2025 года. У межах гэтага даследавання разлічваецца паказчык беспрацоўя паводле метадалогіі Міжнароднай арганізацыі працы.
У кастрычніку—снежні ўзровень занятасці насельніцтва ва ўзросце 15–74 гады склаў 69,2%, а ўзровень беспрацоўя — 2,5% ад колькасці рабочай сілы. У параўнанні з трэцім кварталам узровень беспрацоўя вырас на 0,1 п.п., а ўзровень занятасці — таксама на 0,1 п.п.
Узровень беспрацоўя сярод жанчын склаў 2,3% (+0,3 п.п. у параўнанні з трэцім кварталам года), а сярод мужчын — 2,8% (+0,2 п.п.).
У гарадах узровень беспрацоўя склаў 2,4% (–0,2 п.п.), а ў сельскай мясцовасці — 2,6% (+0,8 п.п.).
Узровень занятасці сярод насельніцтва ў працаздольным узросце склаў 85,7% (без змяненняў), у тым ліку 86,2% (+0,1 п.п.) сярод жанчын і 85,3% (+0,1 п.п.) сярод мужчын, 85,3% (без змяненняў) у сельскай мясцовасці і 85,8% (без змяненняў) — у гарадах.
65,5% рэспандэнтаў шукалі працу праз інтэрнэт або праз СМІ, 58,2% звярталіся да сваякоў і сяброў. 28% звярталіся ў службу занятасці або карысталіся агульнарэспубліканскім банкам вакансій, а 16% — непасрэдна ў арганізацыі.