Беспілотнікі атакавалі НПЗ у Пярмі

Рэдакцыя Reform.news · 29 ліпеня 2026, 11:58

https://reform.news/be/bespilotniki-atakavali-npz-u-pjarmi/

Сёння беспілотнікі атакавалі НПЗ у Пярмі. Губернатар Пермскага краю Дзмітрый Махонін паведаміў пра атаку на прамысловае прадпрыемства, не называючы яго.

“Сёння на адно з прамысловых прадпрыемстваў Пермскага краю здзейсненая атака варожых беспілотнікаў. Некалькі БПЛА былі збітыя на падлёце сіламі Мінабароны і мабільнымі агнявымі групамі”, – напісаў ён.

Аэрапорт Пярмі ўводзіў абмежаванні на абслугоўванне рэйсаў. У Пярмі некалькі разоў гучаў сігнал паветранай трывогі.

У інтэрнэце тым часам з’явіліся відэа пажару на НПЗ, дзе відаць, што агнём ахопленая адна з установак завода.