“БелДжы” выпусціў 200 тысяч аўтамабіляў маркі BelGee

Завод “БелДжы” адзначыў чарговы юбілей. Як паведамілі ў прэс-службе прадпрыемства, выпушчана ўжо 200 тыс. машын маркі BelGee.

200-тысячным аўтамабілем стаў BelGee Х50+ у колеры “сіні металік”.

Адзнакі ў 100 тыс. выпушчаных аўтамабіляў BelGee завод дасягнуў у чэрвені мінулага года, а 150-тысячная машына сышла з канвеера ў студзені гэтага года.