Airbus А330-200 (номер EW-587PD). Фото: "Белавиа"
«Белавія» пачала падрыхтоўку да адзначэння свайго 30-гадовага юбілею. Кампанія вядзе адлік сваёй гісторыі з 5 сакавіка.
На працягу месяца авіяперавозчык будзе прапаноўваць білеты па тарыфе «Прома» са зніжкай да 50%. Вылет па білетах будзе магчымы да 24 кастрычніка 2026 года.
Першыя білеты са зніжкай можна набыць сёння па напрамках туды-назад Мінск — Кутаісі і Мінск — Мурманск.