Скриншот видео in.gr
Ратавальнікі аказалі дапамогу 50-гадовай грамадзянцы Беларусі, якая атрымала траўму падчас пешага паходу на гары Алімп у Грэцыі. Інцыдэнт адбыўся ў раёне Святой пячоры ў другой палове дня 15 жніўня, піша партал In.gr.
Каля 15:30 у аператыўны цэнтр пажарнай службы паступіла паведамленне пра здарэнне. Жанчына патэлефанавала па нумары 112. Ратавальнікі вызначылі яе месцазнаходжанне і накіравалі 5 пажарных на двух аўтамабілях з пажарных службаў Катэрыні і Літахора.
Ратавальнікі дабраліся да пацярпелай, змясцілі яе на насілкі і даставілі ў бяспечнае месца. Там яе перадалі брыгадзе хуткай медыцынскай дапамогі.
Відэа: in.gr