Фото: Вясна
Беларускага актывіста Віктара Клімуса затрымалі ў аэрапорце Ерэвана. Пра гэта паведаміў праваабарончы цэнтр “Вясна”.
Паводле інфармацыі праваабаронцаў, армянскія памежнікі паведамілі, што яго імя знаходзіцца ў міжнароднай базе вышуку. Клімус прыляцеў з Польшчы ў Арменію “з рабочым візітам”.
Адзначаецца, што дарадца Святланы Ціханоўскай Леанід Марозаў і армянскія праваабаронцы працуюць над вызваленнем актывіста.