Фото: Генпрокуратура
Брэсцкі абласны суд прыгаварыў Д. Цыганкова да чатырох гадоў калоніі. Ён абвінавачваўся па артыкулах аб абразе Лукашэнкі, распальванні нацыянальнай, рэлігійнай і іншай сацыяльнай варожасці ў дачыненні да грамадзян замежнай дзяржавы і прадстаўнікоў іншага веравызнання, наўмысных дзеяннях па рэабілітацыі нацызму.
«Пры гэтым наўмысныя дзеянні па рэабілітацыі нацызму выявіліся ў размяшчэнні ў агульнадаступных Telegram-супольнасцях каментароў, якія ўтрымлівалі станоўчую ацэнку дзейнасці нацысцкіх злачынцаў з ліку ўдзельнікаў дывізіі войскаў СС «Галіцыя», беларускай антысавецкай партызанскай арганізацыі «Чорны кот», а таксама дывізіі войскаў СС О. Дырлевангера, у тым ліку па спальванні Хатыні і іншых вёсак на тэрыторыі БССР, спалучаным з масавымі забойствамі мірных жыхароў», — паведамляе Генпракуратура.
Цыганкоў абскардзіў прыгавор суда першай інстанцыі, але яго пакінулі без змен. Прысуд уступіў у сілу.