“Банк развіцця” выпускае аблігацыі на 867 млн рублёў

“Банк развіцця” выпускае аблігацыі на 867 млн рублёў. У Рэспубліканскім цэнтральным дэпазітарыі каштоўных папер з’явілася інфармацыя адразу пра чатыры выпускі каштоўных папер.

Яны будуць рэалізаваны ў другой палове чэрвеня:

• аб’ём 106-га выпуску — 327,6 млн рублёў, перыяд абарачэння з 19 чэрвеня 2026 года па 29 снежня 2028 года;
• аб’ём 107-га выпуску — 6,5 млн рублёў, перыяд абарачэння з 23 чэрвеня 2026 года па 29 снежня 2028 года,
• аб’ём 108-га выпуску — 274,4 млн рублёў, перыяд абарачэння з 23 чэрвеня 2026 года па 29 снежня 2028 года,
• аб’ём 109-га выпуску — 200 млн рублёў, перыяд абарачэння з 1 ліпеня 2026 года да 1 ліпеня 2033 года.

Раней “Банк развіцця” выпусціў аблігацыі на 1,5 млрд рублёў. Такім чынам, аб’ём эмісіі ў гэтым годзе ўжо склаў больш за 2,36 млрд рублёў.

Ліміт выпуску аблігацый “Банкам развіцця” на гэты год устаноўлены ў памеры 5,214 млрд рублёў. У параўнанні з 2025 годам ліміт павялічаны на 1,614 млрд рублёў.