Беларусь і Зімбабвэ дамовіліся пашыраць супрацоўніцтва ў сферы турызму
Рэдакцыя Reform.news · 20 лістапада 2026, 16:47
https://reform.news/be/belarus-i-zimbabvje-damovilisja-pashyrac-supraco-nictva-sfery-turyzmu/Беларусь і Зімбабвэ ўзгаднілі далейшыя крокі па развіцці супрацоўніцтва ў турыстычнай сферы. Гэтыя пытанні абмеркавалі 20 лістапада пасол Беларусі ў Зімбабвэ Юрый Нікалайчык і міністр турызму і індустрыі гасціннасці Зімбабвэ Барбара Рводзі, паведамляе беларускі МЗС.
Бакі пацвердзілі зацікаўленасць у пашырэнні ўзаемадзеяння паміж дзяржаўнымі органамі, тураператарамі, профільнымі навучальнымі ўстановамі і турыстычнымі асацыяцыямі дзвюх краін.
Асаблівую ўвагу надалі ўдзелу ў тэматычных выставах, якія праводзяцца ў Беларусі і Зімбабвэ, а таксама абмену досведам у турыстычнай галіне.
Удзельнікі сустрэчы абмеркавалі рэалізацыю дарожнай карты стратэгічнага супрацоўніцтва і партнёрства паміж Беларуссю і Зімбабвэ на 2026–2030 гады і мемарандума аб супрацоўніцтве ў сферы турызму, падпісанага 27 сакавіка 2025 года ў Мінску.
Барбара Рводзі заявіла пра гатоўнасць зімбабвійскага боку актывізаваць у 2027 годзе практычную рэалізацыю гэтых дамоўленасцей.
Па выніках перамоў бакі ўзгаднілі канкрэтныя крокі па далейшым развіцці турыстычнага супрацоўніцтва.


