Reform.news

Польшча ў кастрычніку дала міжнародную абарону 22 грамадзянам Беларусі

Рэдакцыя Reform.news · 18 лістапада 2026, 07:37

https://reform.news/be/polshcha-kastrychniku-dala-mizhnarodnuju-abaronu-22-gramadzjanam-belarusi/

Польшча за кастрычнік дала міжнародную абарону 22 грамадзянам Беларусі. Як вынікае са справаздачы Упраўлення па справах замежнікаў, 20 чалавек былі прызнаныя бежанцамі, 2 чалавекі атрымалі статус дадатковай абароны, 58 грамадзянам Беларусі адмовілі ў міжнароднай абароне, разгляд 15 спраў быў прыпынены.

Усяго за кастрычнік упраўленне разгледзела 95 спраў грамадзян Беларусі.

У параўнанні з вераснем колькасць станоўчых рашэнняў крыху знізілася. Тады іх было 24, а колькасць адмоваў крыху вырасла, у верасні іх было 58. У жніўні было 36 станоўчых рашэнняў, а адмоваў – каля 50. У ліпені міжнародная абарона была дадзена толькі 14 беларусам, у той час як 82 атрымалі адмоўныя рашэнні. У чэрвені станоўчыя рашэнні атрымалі 25 чалавек, а адмовы ў міжнароднай абароне — 52 чалавекі.

Усяго з пачатку года Упраўленне па справах замежнікаў вынесла рашэнні па 1193 справах беларускіх просьбітаў прытулку. У студзені-кастрычніку статус бежанца атрымалі 322 грамадзяніны Беларусі, дадатковую абарону — 382 чалавекі, 324 беларусам было адмоўлена ў міжнароднай абароне, а разгляд 165 спраў спынілі.

На 1 лістапада Упраўленне працягвала разглядаць 3230 спраў беларусаў, у тым ліку 2890 у першай інстанцыі, а 340 у другой. За верасень колькасць спраў у першай інстанцыі скарацілася на 24, а ў другой — вырасла на 51. Агульная колькасць спраў беларусаў, якія разглядаюцца Упраўленнем, за кастрычнік вырасла на 18.

Дакументы, якія даюць права на знаходжанне ў Польшчы, на 1 лістапада мелі 127,87 тыс. грамадзян Беларусі. За кастрычнік іх колькасць знізілася на 1964 чалавекі, што можа быць звязана са сканчэннем тэрміну дзеяння відаў на жыхарства і працяглымі працэдурамі іх разгляду.

На 1 лістапада беларусы ў Польшчы мелі:

  • 72 807 часовых відаў на жыхарства,
  • 41 047 пастаянных відаў на жыхарства,
  • 9570 статусаў дадатковай абароны,
  • 2768 статусаў доўгатэрміновых рэзідэнтаў ЕС,
  • 1288 статусаў бежанца,
  • 209 знаходзіліся на ўмовах часовай абароны,
  • 178 мелі іншыя статусы.

За кастрычнік Упраўленне па справах замежнікаў выдала 1995 станоўчых рашэнняў па часовых відах на жыхарства, 300 — па пастаянных відах на жыхарства, 100 — па доўгатэрміновым рэзідэнцтве ЕС.

Упраўленне ў кастрычніку адмовіла ў выдачы часовага віду на жыхарства 214 заяўнікам, у пастаянным відзе на жыхарства — 79, а ў статусе доўгатэрміновага рэзідэнта ЕС — 15 грамадзянам Беларусі.

З пачатку года часовыя віды на жыхарства былі выдадзены 19 475 беларусам, пастаянныя — 3059, а доўгатэрміновае рэзідэнцтва ЕС — 910 грамадзянам Беларусі.

Сёлета ўпраўленне таксама выдала 6250 польскіх праязных дакументаў грамадзянам Беларусі, у тым ліку 570 у кастрычніку. Яны могуць атрымаць іх у спрошчаным парадку, калі заканчваецца тэрмін дзеяння беларускага пашпарта, а вярнуцца на радзіму для яго пераафармлення па розных прычынах немагчыма. Упраўленне прагназуе, што па выніках года колькасць выдадзеных праязных дакументаў можа перавысіць 7,6 тыс.

Рэклама

Пакінуць адказ