Зграю ваўкоў заўважылі на літоўска-беларускай мяжы

Рэдакцыя Reform.news · 5 лістапада 2026, 17:36

https://reform.news/be/zgraju-va-ko-za-vazhyli-na-lito-ska-belaruskaj-mjazhy/

Зграю з чатырох ваўкоў заўважылі сёння раніцай на літоўска-беларускай мяжы на тэрыторыі Друскінінкайскага раёна.

Жывёлы падышлі да плота на мяжы з тэрыторыі Літвы ў месцы, дзе мяжу перасякае ручай Кусенка. У кастрычніку менавіта тут мігранты спрабавалі трапіць у Літву па трубе. Ваўкі прайшлі ўздоўж агароджы, пазіраючы ў бок Беларусі, і вярнуліся ўглыб Літвы.

Відэа зграі апублікавала Служба аховы дзяржмяжы Літвы.