БЧ атрымала партыю імпартазамяшчальных вагонаў

Рэдакцыя Reform.news · 26 кастрычніка 2026, 11:28

https://reform.news/be/bch-atrymala-partyju-impartazamjashchalnyh-vagona/

Беларуская чыгунка атрымала першую партыю крытых вагонаў, вырабленых ЗАТ «Асіповіцкі завод транспартнага машынабудавання». У Мінтрансе патлумачылі, што пастаўка выкананая ў рамках імпартазамяшчэння.

Крыты вагон мае аб’ём 152 кубаметры, грузападымальнасць 69 тон, прызначаны для перавозкі адзінкавых, тарных, пакетаваных, сыпкіх і іншых грузаў, якія патрабуюць абароны ад атмасферных ападкаў.

“Пастаноўцы крытага вагона на вытворчасць папярэднічалі доследна-канструктарскія работы: выраб доследнага ўзору, выпрабаванні і сертыфікацыя, падрыхтоўка да серыйнага выпуску. Акрамя крытага вагона, на АЗТМ асвоілі вытворчасць чыгуначнай каляскі для падкаткі пад грузавыя вагоны з восевай нагрузкай 23,5 т на вось, у тым ліку пры вытворчасці крытых вагонаў”, – распавялі ў Мінтрансе.

Першым месцам пагрузкі новых вагонаў стане прадпрыемства “Белдзяржхарчпрама”.