МЭА адзначае рост прапановы нафты ў верасні

Рэдакцыя Reform.news · 14 кастрычніка 2026, 14:30

https://reform.news/be/mjea-adznachae-rost-prapanovy-nafty-verasni/

Міжнароднае энергетычнае агенцтва ў свежай справаздачы аб стане рынку нафты адзначае рост прапановы нафты ў верасні. Аднак у сярэднім за год яна знізіцца. Найбольшы ціск адчувае рынак дызельнага паліва.

Паводле даных МЭА, сусветны попыт на нафту ў чацвёртым квартале знізіцца на 2.5 млн барэляў у суткі, а ў сярэднім за год – на 2,6 млн барэляў у суткі. Пры гэтым чвэрць зніжэння попыту прыпадае на дызельнае паліва.

У 2027 годзе МЭА прагназуе рост спажывання нафты на 2 млн барэляў у суткі. Аднак у выніку попыт на нафту ў наступным годзе акажацца на 620 тыс. барэляў у суткі меншым, чым у 2025 годзе.

Сусветная прапанова нафты ў верасні вырасла на 2,5 млн барэляў у суткі ў параўнанні са жніўнем. Яна дасягнула 102,3 млн барэляў у суткі. Прырост забяспечылі Саудаўская Аравія і ААЭ. У сярэднім за 2026 год прапанова нафты скароціцца на 5,8 млн барэляў да 100,7 млн барэляў у суткі.

У 2027 годзе чакаецца рост прапановы на 7,7 млн барэляў у суткі.

“Экспарт сырой нафты з краін Персідскага заліва, на чале з Саудаўскай Аравіяй, у верасні вырас на 4,4 млн барэляў у суткі да 13,9 млн барэляў у суткі, дасягнуўшы больш за 75% ад даваеннага ўзроўню, паколькі прапанова значна аднавілася, а запасы скараціліся.

Актыўная перавалка нафты з судна на судна ў Аманскім заліве спрыяла павелічэнню агульнага аб’ёму паставак нафты праз Армузскі праліў на 3,7 млн ​​барэляў у суткі да 10,9 млн барэляў у суткі, а хуткае аднаўленне патокаў па трубаправодах Усход-Захад павялічыла агульны аб’ём экспарту праз абходны канал на 970 тыс. барэляў у суткі да 5,6 млн барэляў у суткі”, – гаворыцца ў справаздачы.

МЭА адзначае, што перапрацоўка нафты ў кастрычніку дасягне мінімуму ў 81,3 млн барэляў у суткі, а затым адновіцца да 84,6 млн барэляў у суткі да канца года.

“Рынкі дызельнага паліва заставаліся пад значным ціскам, паколькі працяглыя перабоі ў пастаўках вымушалі скарачаць запасы ў несезонны перыяд напярэдадні восеньскага тэхнічнага абслугоўвання нафтаперапрацоўчых заводаў і піка зімовага попыту. Сусветны экспарт дызельнага паліва ў верасні быў на 700 тыс. барэляў у суткі ніжэйшым, чым годам раней”, – гаворыцца ў справаздачы.

МЭА мяркуе, што дэфіцыт дызельнага паліва можа захавацца і ў першай палове наступнага года.

У верасні працягнулася зніжэнне сусветных запасаў нафты. Яны зменшыліся на 10 млн барэляў. З лютага яны скараціліся на 509 млн барэляў.