Беларус на мяжы пазбавіўся 5000 еўра, схаваных у сурвэтках

Рэдакцыя Reform.news · 14 верасня 2026, 12:31

https://reform.news/be/belarus-na-mjazhy-pazbavi-sja-5000-e-ra-shavanyh-u-survjetkah/

Грамадзянін Беларусі пазбавіўся 5000 еўра на мяжы з Літвой. Як паведамілі ў ДМК, мужчына на аўтамабілі FIAT ехаў з Літвы праз пункт пропуску “Беняконі”.

Падчас вуснага апытання супрацоўніку мытні ён паведаміў, што перамяшчае 5,5 тыс. еўра і 200 бел. рублёў. Мытнік усумніўся ў праўдзівасці падарожніка і не памыліўся. У барсетцы ў мужчыны была ўпакоўка з вільготнымі сурвэткамі, у якой былі схаваныя яшчэ 5000 еўра.

Схаваныя грашовыя сродкі канфіскаваныя. Пачаты адміністрацыйны працэс.

Нагадаем, без дэкларавання праз мяжу можна перамяшчаць наяўныя грошы ў суме не больш за 10 тыс. долараў у эквіваленце.