Латвія плануе ўвесці пошліну ў 300% на транзіт збожжа з Беларусі і РФ

Рэдакцыя Reform.news · 7 верасня 2026, 20:53

https://reform.news/be/latvija-planue-vesci-poshlinu-300-na-tranzit-zbozhzha-z-belarusi-i-rf/

Латвійскі ўрад плануе ўвесці пошліну ў 300% на транзіт расійскага і беларускага збожжа праз Латвію. Пра гэта сёння заявіў прэм’ер-міністр краіны Андрыс Кулбергс, піша Delfi.

Таксама прапануецца распрацаваць механізмы праверкі транзітных грузаў і супрацоўнічаць з лабараторыямі Украіны, каб вызначаць паходжанне збожжа.

Латвія хоча дамагчыся адзінай пазіцыі краін Балтыі, каб для «расійскага збожжа не выкарыстоўвалася інфраструктура рэгіёна», заявіў Кулбергс. Ён ужо абмяркоўваў гэтае пытанне з прэм’ер-міністрам Эстоніі, а заўтра плануе перамовы з літоўскім прэм’ерам.

Кааліцыйныя партыі Латвіі дамовіліся аб мерах па абмежаванні транзіту расійскага і беларускага збожжа праз Латвію, абароне інтарэсаў латвійскіх фермераў і прадухіленні абароту збожжа, вывезенага з акупаваных тэрыторый Украіны, піша выданне.

Нагадаем, Літва сёння абвясціла, што будзе правяраць усё збожжа, якое перавозіцца транзітам з тэрыторыі Беларусі і Расіі. Такім чынам Вільнюс хоча прадухіліць перавозку скрадзенага ўкраінскага збожжа.