Бухгалтарка з Астраўца прайграла ў казіно 100 тысяч рублёў дзяржсродкаў

Рэдакцыя Reform.news · 31 жніўня 2026, 11:53

https://reform.news/be/buhgaltarka-z-astra-ca-prajgrala-kazino-100-tysjach-rubljo-dzjarzhsrodka/

35-гадовая жанчына, якая працавала бухгалтарам у адной з дзяржаўных арганізацый Астраўца, апынулася ў цэнтры крымінальнага расследавання.

Паводле версіі міліцыі, яна спусціла ў казіно 100 тыс. рублёў дзяржаўных сродкаў. Жанчына пералічвала грошы сабе на картку, а затым рабіла стаўкі ў казіно. Пералічэнні яна маскіравала пад закупкі гаспадарчых тавараў і аплату паслуг, уносячы ілжывыя звесткі ў справаздачныя дакументы. Акрамя таго, частку наяўнасці, якая паступала, не праводзіла па касе, а залічвала на свой рахунак.