У расійскім порце Усць-Луга адбыўся пажар пасля налёту дронаў

Рэдакцыя Reform.news · 14 жніўня 2026, 08:21

https://reform.news/be/u-rasijskim-porce-usc-luga-adby-sja-pazhar-paslja-naljotu-drona/

У расійскім порце Усць-Луга адбыўся пажар пасля налёту беспілотнікаў. Пра гэта паведаміў губернатар Ленінградскай вобласці РФ Аляксандр Драздзенка.

“На дадзены момант у Ленінградскай вобласці збіты 51 БПЛА праціўніка. У выніку пашкоджання зафіксавана ўзгаранне ў порце Усць-Луга. Спецыялісты прыступілі да тушэння”, – паведаміў ён.

Ва Усць-Лузе знаходзіцца буйны нафтавы тэрмінал. Таксама ў прамзоне размешчаны перапрацоўчыя магутнасці. Тэрыторыя порта падвяргаецца ўдарам БПЛА не першы раз.

У Цвярской вобласці сёння абломкамі БПЛА пашкоджаны склад Wildberries. Пра гэта паведаміў в.а. губернатара Цвярской вобласці Віталь Каралёў. Абломкі трапілі ў сцяну склада. На месцы ўзнікла задымленне, але яно было ліквідавана.