Расія нанесла масіраваны ўдар па Адэсе

Рэдакцыя Reform.news · 9 жніўня 2026, 11:09

https://reform.news/be/rasija-nanesla-masiravany-dar-pa-adjese/

У ноч на 9 жніўня Расія нанесла масіраваны ўдар па Адэсе і Адэскай вобласці. Паводле інфармацыі Генштаба УСУ, Расія выпусціла балістычныя, супрацькарабельныя і супрацьрадыёлакацыйныя ракеты: «Іскандэр-М»/С-400, «Онікс», Х-31П, а таксама 202 ударныя дроны.

У Адэсе пацярпелі не менш за восем чалавек. Стан трох з іх ацэньваецца як сярэдняй цяжкасці, паведамляе Адэская гарадская ваенная адміністрацыя.

У горадзе знішчаны некалькі жылых будынкаў, пашкоджаны аўтамабілі. Таксама пашкоджаны порт.

Удары наносіліся і па іншых гарадах. У Харкаве дрон знішчыў чатыры паверхі жылога дома. Два чалавекі загінулі, дзясяткі атрымалі раненні.

У Паўлаградзе пашкоджаны аб’екты энергетычнай інфраструктуры і гандлёвы цэнтр. Пацярпелі дзевяць чалавек, у тым ліку чацвёра дзяцей.