Беларускія камуністы адправіліся ў КНДР

Рэдакцыя Reform.news · 14 ліпеня 2026, 22:12

https://reform.news/be/belaruskija-kamunisty-adpravilisja-kndr/

Дэлегацыя Цэнтральнага камітэта Камуністычнай партыі Беларусі знаходзіцца з афіцыйным візітам у Паўночнай Карэі.

У склад дэлегацыі ўвайшлі першы сакратар ЦК КПБ Сяргей Сыранкоў, сакратар ЦК КПБ па міжнародных справах Аляксей Аўдонін, член бюро ЦК КПБ Аляксей Дзермант.

14 ліпеня ў Пхеньяне прадстаўнікі Камуністычнай партыі Беларусі падпісалі пагадненне аб супрацоўніцтве з Працоўнай партыяй Карэі.

Паездку падрабязна асвятляе ў сваім тэлеграм-канале адыёзны прапагандыст Дзермант. Ён дзеліцца захопленымі водгукамі і фотаздымкамі сталіцы КНДР.

«З кожным днём Пхеньян падабаецца ўсё больш і больш. Гэта нейкі цуд!» — піша Дзермант.