У Расіі гараць нафтахімічныя прадпрыемствы пасля налёту беспілотнікаў

Рэдакцыя Reform.news · 12 чэрвеня 2026, 09:38

Мінабароны РФ заявіла пра перахоп і знішчэнне 231 беспілотніка над тэрыторыяй 16 рэгіёнаў краіны.

Улады расійскіх рэгіёнаў паведамляюць пра пажары, якія ўзніклі ў выніку налёту.

У Тальяці Самарскай вобласці пасля атакі беспілотнікаў адбыўся пажар на нафтахімічным прадпрыемстве «Тальяцікаўчук».

У Ніжнякамску ў Татарстане пад удар трапіў «Ніжнякамскнафтахім».

“Прадпрыемствы, якія падвергліся атацы, аператыўна ліквідуюць наступствы”, — паведаміў кіраўнік Татарстана Рустам Мініханаў.

Паводле яго слоў, адзін з беспілотнікаў таксама трапіў у жылы дом. Жыхары былі эвакуяваныя.

Уначы восем расійскіх аэрапортаў прыпынялі працу.

Рэклама