Лукашэнка прапанаваў Філіпінам спрасціць візавы рэжым

Рэдакцыя Reform.news · 12 чэрвеня 2026, 08:41

https://reform.news/be/lukashjenka-prapanava-filipinam-sprascic-vizavy-rjezhym/

Аляксандр Лукашэнка прапануе Філіпінам спрасціць візавы рэжым. Пра гэта гаворыцца ў віншаванні, якое ён накіраваў прэзідэнту краіны Фердынанду Маркасу-малодшаму з Днём Незалежнасці.

Аляксандр Лукашэнка адзначыў, што сёлета дыпламатычным адносінам паміж дзвюма краінамі спаўняецца 30 гадоў. За гэты час дасягнуты істотныя вынікі ў пашырэнні сувязяў, былі пазначаны перспектыўныя напрамкі далейшага развіцця двухбаковага ўзаемадзеяння ў гандлёва-эканамічнай, гуманітарнай і іншых галінах.

Лукашэнка таксама выказаў упэўненасць, што рэалізацыі патэнцыялу міждзяржаўнага супрацоўніцтва спрыялі б сумесныя праекты ў сферах харчовай бяспекі і прамысловай кааперацыі, а таксама спрашчэнне візавага рэжыму.