Ціханоўская прыехала з візітам у Чэхію

Рэдакцыя Reform.news · 10 чэрвеня 2026, 09:07

https://reform.news/be/cihano-skaja-pryehala-z-vizitam-u-chjehiju/

Святлана Ціханоўская пачынае двухдзённы візіт у Чэхію.

Яна сустрэнецца з прэзідэнтам краіны Пятром Паўлам, кіраўніком МЗС Пятром Мацінкам, старшынём Сената, мэрам Прагі, выступіць перад сенатскім камітэтам, правядзе сустрэчы з прадстаўнікамі грамадзянскай супольнасці і беларускай дыяспарай.

“Чэшская Рэспубліка заўсёды разумела, што свабоду неабходна абараняць. Яна падтрымлівала беларусаў у цяжкія часы, прымала тых, хто быў вымушаны эміграваць, і ставіла нашу дэмакратычную будучыню на парадак дня Еўропы.

Я тут, каб умацаваць наша супрацоўніцтва і падзякаваць нашым чэшскім сябрам за падтрымку свабоднай, дэмакратычнай і еўрапейскай Беларусі”, — адзначыла Ціханоўская.