Спявак Аляксей Хлястоў атрымаў 14 сутак за «дробнае хуліганства»

Рэдакцыя Reform.news · 22 мая 2026, 22:10

https://reform.news/be/spjavak-aljaksej-hljasto-atryma-14-sutak-za-drobnae-huliganstva/

Спявак Аляксей Хлястоў, пра затрыманне якога стала вядома сёння, асуджаны да 14 сутак арышту за «дробнае хуліганства». Пра гэта ў сацыяльных сетках паведаміла яго жонка.

Сёння ў Instagram Аляксея Хлястова было апублікаванае відэа, у якім ён гаворыць пра серыю «прафілактычных гутарак» з прадстаўнікамі розных сілавых структур. Паводле яго слоў, яго выклікалі ў ДАІ на падставе парушэння ПДР, затым запрашалі на гутарку да супрацоўнікаў ГУБАЗіК на вуліцу Рэвалюцыйную, пасля гэтага — у ГУУС, а цяпер — у транспартную інспекцыю на Партызанскі праспект.

«Папрасілі прыехаць, але я мяркую, што будзе такая ж гісторыя. То-бок я туды прыеду, і далей я буду альбо затрыманы, альбо запрошаны для чарговай гутаркі. Са свайго боку хачу сказаць, што ніякіх неправамерных дзеянняў я ніколі не рабіў, нічога супрацьзаконнага не здзяйсняў, і таму прашу распаўсюдзіць гэтае відэа, каб звярнулі ўвагу сапраўды тыя органы, якія могуць абараніць мяне як грамадзяніна Рэспублікі Беларусь», — сказаў ён.