Пачобут па відэасувязі пагутарыў з палякамі Беларусі
Рэдакцыя Reform.news · 5 мая 2026, 09:56
https://reform.news/be/pachobut-pa-vidjeasuvjazi-pagutary-z-paljakami-belarusi/Былы палітвязень Анджэй Пачобут змог звярнуцца да палякаў Беларусі, праўда, пакуль па відэасувязі. Ён апублікаваў у сетцы Х ролік са сустрэчы, якую праводзіла Анжаліка Борыс. Пачобута падключылі па відэасувязі.
“Нашы ў Мінску. Сёння мне ўдалося з імі ўбачыцца і выступіць перад імі. Яны чакаюць мяне. Мы шмат перажылі разам, і наперадзе нас чакае яшчэ шмат усяго. Польскасць на гэтых шыротах ніколі не была простай справай. Акрамя Саюза палякаў у польскай меншасці няма нікога, хто б абараняў яе інтарэсы”, – пракаментаваў ён відэа.
Нагадаем, Анджэй Пачобут, адзін з лідараў польскай меншасці ў Беларусі, быў вызвалены на мінулым тыдні ў выніку абмену. Зараз ён знаходзіцца ў Польшчы, аднак не пакідае планаў вярнуцца ў Беларусь. Паводле яго слоў, падчас абмену ён атрымаў запэўненні ад беларускіх чыноўнікаў, што можа вярнуцца назад.
Nasi w Mińsku. Mogłem dziś ich zobaczyć i do nich się zwrócić. Czekają na mnie. Wiele razem przeszliśmy i wiele przed nami. Polskość na tamtej szerokości geograficznej nigdy nie była sprawą łatwą. Po za Związkiem Polaków mniejszość polska nie ma nikogo kto by dbał o jej interes pic.twitter.com/48PtaKCfIq
— Andrzej Poczobut (@poczobut) May 4, 2026