Лукашэнка павіншаваў Кім Чэн Ына з чарговым пераабраннем на пасаду генсека Працоўнай партыі

Рэдакцыя Reform.news · 28 лютага 2026, 12:26

https://reform.news/be/lukashjenka-pavinshava-kim-chjen-yna-z-chargovym-peraabrannem-na-pasadu-genseka-praco-naj-partyi/

Аляксандр Лукашэнка накіраваў віншаванне Кім Чэн Ыну ў сувязі з яго пераабраннем на пасаду генеральнага сакратара Працоўнай партыі Паўночнай Карэі па выніках IX з’езда партыі.

У віншаванні Лукашэнка назваў правядзенне з’езда “сведчаннем” поспехаў Кім Чэн Ына на пасадзе кіраўніка краіны і выказаў надзею на тое, што прынятыя рашэнні будуць спрыяць эканамічнаму развіццю КНДР.

«Паспяховае правядзенне IX з’езда сведчыць пра выдатныя вынікі Вашай кіраўнічай дзейнасці, пацвярджае адзінства партыі і карэйскага народа, а таксама рашучую накіраванасць на далейшае развіццё моцнай і самастойнай дзяржавы», — прыводзіць яго словы прэс-служба.

Ён выказаў упэўненасць, што прынятыя па выніках з’езда рашэнні “створаць дадатковыя ўмовы для паскарэння тэмпаў сацыялістычнага будаўніцтва, росту народнай гаспадаркі і нацыянальнага развіцця ва ўмовах няпростай міжнароднай абстаноўкі”.

Лукашэнка пажадаў адрасату здароўя, энергіі і новых поспехаў на карысць КНДР.

Кім Чэн Ын узначаліў КНДР у 2011 годзе пасля смерці свайго бацькі Кім Чэн Іра.

Кім Чэн Ын — трэці сын Кім Чэн Іра, сына і спадкаемцы першага правадыра КНДР Кім Ір Сена.