Беларуса затрымалі за незаконнае знаходжанне ў Польшчы і адправілі на мяжу з Літвой

Рэдакцыя Reform.news · 26 лютага 2026, 20:54

https://reform.news/be/belarusa-zatrymali-za-nezakonnae-znahodzhanne-polshchy-i-adpravili-na-mjazhu-z-litvoj/

Беларуса затрымалі за незаконнае знаходжанне ў Польшчы і адправілі на літоўскую мяжу паводле правілаў Дублінскага рэгламенту.

Супрацоўнікі памежнай службы праверылі грамадзяніна Беларусі 25 лютага ў Лескаўскім павеце ў Падкарпацці. Высветлілася, што ён знаходзіцца ў Польшчы незаконна. Мужчына раней падаў заяву на атрыманне міжнароднай абароны, але кіраўнік Упраўлення па справах замежнікаў спыніў вытворчасць па справе. Паводле правілаў ЕС яго заява павінна разглядацца ў першай краіне, праз якую ён уехаў у Шэнген — у дадзеным выпадку гэта Літва.

Пасля праверкі беларуса затрымалі і пад канвоем памежнікаў адправілі на польска-літоўскую мяжу, паведамілі у Памежнай службе Польшчы.