Беларускі дальнабойшчык вёз у Літву цыгарэты ў матрасе

Рэдакцыя Reform.news · 27 лютага 2026, 15:51

https://reform.news/be/belaruski-dalnabojshchyk-vjoz-u-litvu-cygarjety-matrase/

Літоўскія мытнікі знайшлі цыгарэты ў матрасе кіроўцы фуры. Канфіскаваныя і цыгарэты, і аўтамабіль.

25 лютага ў пункт пропуску «Мядзінінкай» прыбыла фура пад кіраваннем грамадзяніна Беларусі. Увагу мытнікаў прыцягнуў не груз, а матрас у кабіне кіроўцы. Пры аглядзе высветлілася, што ўнутры былі схаваныя пачкі цыгарэт.

Мытнікі канфіскавалі 9400 цыгарэт коштам 2326 еўра і цягач з паўпрычэпам коштам 15 390 еўра. У дачыненні да кіроўцы складзены адміністрацыйны пратакол, паведамляе літоўская мытня.