Міліцыя адшукала працоўных мігрантаў, якія ўцяклі ад фермера

Рэдакцыя Reform.news · 24 лютага 2026, 14:38

https://reform.news/be/milicyja-adshukala-praco-nyh-migranta-jakija-cjakli-ad-fermera/

УУС Мінаблвыканкама адчыталася аб поспехах у кантролі за працоўнай міграцыяй.

Як вынікае з паведамлення міліцыі, 17 лютага да сілавікоў звярнуўся наймальнік і паведаміў пра знікненне двух мігрантаў, якія прыбылі ў Беларусь, каб працаваць у фермерскай гаспадарцы. Яны пакінулі месца пражывання ў невядомым напрамку.

Цягам сутак вышукоўцы Маладзечанскага РАУС разам з калегамі з абласнога ўпраўлення знайшлі замежнікаў. Яны збіраліся пакінуць тэрыторыю Беларусі і незаконна перайсці мяжу з краінамі ЕС.

“У дачыненні да «ўцекачоў» публічна разгледжана пытанне аб высылцы з Рэспублікі Беларусь у прысутнасці больш як дзясятка замежнікаў, якія прыбылі ў краіну для навучання і ажыццяўлення працоўнай дзейнасці”, – расказалі ва УУС.