Індыя затрымала тры танкеры «ценявога флоту»

Рэдакцыя Reform.news · 9 лютага 2026, 08:29

https://reform.news/be/indyja-zatrymala-try-tankery-cenjavoga-flotu/

Берагавая ахова Індыі перахапіла тры танкеры «ценявога флоту», звязаныя з Іранам. Яны знаходзіліся пад санкцыямі ЗША.

«6 лютага ў ходзе старанна скаардынаванай марской і паветранай аперацыі была раскрыта міжнародная сетка кантрабанды нафты. Злачынная групоўка выкарыстоўвала перапраўкі ў міжнародных водах для транспартавання таннай нафты з ахопленых канфліктамі рэгіёнаў на танкеры, ухіляючыся ад выплаты пошлін прыбярэжным дзяржавам», — гаворыцца ў публікацыі індыйскага ведамства.

Паводле інфармацыі The Maritime Executive, гаворка ідзе пра танкеры Al Jafzia, Asphalt Star і Stellar Ruby. Судны выкарыстоўвалі падмену сігналаў AIS і фальшывыя сцягі, каб хаваць удзел у перавозцы іранскай нафты.

Танкеры пад канвоем накіроўваюцца ў Мумбаі.