60-гадовага беларуса дэпартавалі з Польшчы за парушэнні ПДР

Рэдакцыя Reform.news · 30 студзеня 2026, 22:50

https://reform.news/be/60-gadovaga-belarusa-djepartavali-z-polshchy-za-parushjenni-pdr/

Грамадзяніна Беларусі дэпартавалі з Польшчы і забаранілі яму ўезд у краіны Шэнгена на 8 гадоў.

60-гадовы беларус быў асуджаны за неаднаразовае кіраванне грузавым аўтамабілем у стане ап’янення, а таксама за кіраванне насуперак устаноўленай забароне.

29 студзеня, пасля таго як беларус скончыў адбываць пакаранне, яго даставілі на памежны пераход у Кузніцы, паведамляе Падляшскі аддзел памежнай службы Польшчы.