Ціханоўская прызначала Кучука дарадцам па экалогіі

Рэдакцыя Reform.news · 26 студзеня 2026, 12:03

https://reform.news/be/cihano-skaja-pryznachala-kuchuka-daradcam-pa-jekalogii/

Святлана Ціханоўская прызначыла дарадцам па пытаннях экалогіі Дзмітрыя Кучука.

Як паведамілі ў Офісе Ціханоўскай, яго задачай будзе распрацоўка пазіцыі па пытаннях экалогіі, развіццё супрацоўніцтва з зялёнымі арганізацыямі, каардынацыя мерапрыемстваў да 40-годдзя аварыі на ЧАЭС, у тым ліку правядзенне «Чарнобыльскага шляху». Кучук таксама будзе ўдзельнічаць у падрыхтоўцы рэформаў і заканадаўчых ініцыятыў для новай Беларусі. Ён будзе працаваць па-за штатам.

«Цяпер важная задача — падрыхтоўка мерапрыемстваў з нагоды 40-годдзя катастрофы на ЧАЭС. Гэта актуальна і ў кантэксце вайны, і ядзерных пагрозаў, і верагоднай пабудовы новага блоку АЭС. Я думаю, што досвед і прафесіяналізм Дзмітрыя дапамогуць нам прасоўваць ідэі ўстойлівага экалагічнага развіцця, а таксама ўмацаваць адносіны з грамадзянскай супольнасцю», — сказала Святлана Ціханоўская.

Дзмітрый Кучук — былы палітвязень. Ён быў вызвалены і вывезены з краіны ў верасні мінулага года. У Беларусі ён узначальваў ліквідаваную партыю «Зялёныя».