Беларусь мае намер развіваць ваеннае супрацоўніцтва з Чадам

Рэдакцыя Reform.news · 20 студзеня 2026, 22:08

https://reform.news/be/belarus-mae-namer-razvivac-vaennae-supraco-nictva-z-chadam/

Дзяржкамваенпрам Беларусі і адпаведныя ведамствы ў Чадзе падпісалі мемарандум аб узаемаразуменні. Дакумент быў падпісаны ў ходзе рабочага візіту старшыні Дзяржкамваенпрама Дзмітрыя Пантуса ў Чад.

«Візіт і падпісаны дакумент дэманструюць пераход ад эпізадычных кантактаў да сістэмнага, прагназуемага і доўгатэрміновага стратэгічнага партнёрства», — заяўляе прэс-служба Дзяржкамваенпрама.

Беларуская дэлегацыя правяла перамовы з міністрам Чада па пытаннях нацыянальнай бяспекі, ветэранаў і ахвяр вайны генералам Ісакам Малуа Джамусам, кіраўнікамі відаў і камандаванняў Узброеных сіл, кіраўніцтвам сілавога блока, а таксама структурных падраздзяленняў ваеннага ведамства. Бакі абмеркавалі бягучыя патрэбы Чада, а таксама сучасныя выклікі і пагрозы ў рэгіёне. Беларуская дэлегацыя прадставіла магчымасці ВПК у частцы мадэрнізацыі і падтрымкі сілавых ведамстваў, падрыхтоўкі кадраў, а таксама перадачы тэхналогій.