Ва Украіне новыя міністры абароны і энергетыкі

Рэдакцыя Reform.news · 14 студзеня 2026, 15:35

https://reform.news/be/va-ukraine-novyja-ministry-abarony-i-jenergetyki/

Вярхоўная Рада Украіны 14 студзеня прызначыла двух новых міністраў.

Міністрам абароны стаў Міхаіл Фёдараў, які да гэтага ўзначальваў Міністэрства лічбавай трансфармацыі.

Выступаючы перад дэпутатамі, Фёдараў анансаваў глыбокі аўдыт Міністэрства абароны і Узброеных сіл Украіны, а таксама рэформы ў войску.

«Наша мэта — змяніць сістэму: правесці армейскую рэформу, палепшыць інфраструктуру на перадавой, выкараніць хлусню і карупцыю, зрабіць лідарства і давер новай культурай», — заявіў ён.

Былы міністр абароны Дзяніс Шмыгаль прызначаны першым віцэ-прэм’ер-міністрам — міністрам энергетыкі.